Gjykata e Posaçme e Apelit ka lënë në fuqi masën e sigurimit arrest me burg për Eria Agon, ish-të dashurën e Safet Bajrit, pasi akuzohet për sigurim kushtesh për të kryer vrasje dhe përkrahje të autorit të krimit për vrasjen e Fatbardh Licit në gusht të vitit 2018. Ago u arrestua nën dyshimet se ka larguar me automjet nga vendngjarja autorët e krimit. Safet Bajri i ka mohuar akuzat dhe ka pretenduar se një natë para se të ndodhte ngjarja ka qenë në një restorant në Tiranë. Më pas, sipas tij ka qenë në një lokal nate. Ai thotë se përgjimet nuk provojnë që ai të jetë autor, për ngjarjen për të cilën akuzohet. Sipas SPAK, vrasja është kryer pasi Behar Bajri dyshonte se Ibrahim Lici, i afërmi i Fatbardh Licit, ishte autor i ekzekutimit të Boran Bërçanës dhe partneres së tij, Silvi Ndoci, në korrik 2018.