Gjykata e Shkodrës ka lënë në burg Elfat Salihin, autorin e plagosjes së Edis Reçajt. Ngjarja u regjistrua mbrëmjen e 19 prillit,ndërsa autori u arrestua pak ditë më parë. Salihi u shpall në kërkim nga policia, ndërsa u arrestua në një hotel në lagjen “Mark Lula”. Nën hetim u vu dhe pronari I subjektit në të cilin strehohej I riu. Mbrëmjen e 19 prillit, pranë një lokali në lagjen Perash, i plagosuri Edis Reçaj 28 vjeç, mori një plumb në këmbë, ndërsa u paraqit vetë në spitalin e Shkodrës, jashtë rrezikut për jetën. Ishte një telefonatë për të shtëna me armë zjarri që ngriti në këmbë policinë e Shkodrës, por nga kontrollet në zonë nuk u gjet asnjë provë. Më pas Spitali i Shkodrës njoftoi se një person i plagosur me armë zjarri kishte mbërritur në urgjencë. Në dëshminë e tij në ambientet e spitalit 28-vjeçari ka thënë se nuk e njeh personin që e ka qëlluar dhe se ai i kishte shkuar nga pas dhe e kishte qëlluar menjëherë.