Një 16-vjeçar u arrestua në Korçë pasi dyshohet se ka kryer marrëdhënie seksuale me dhunë me një 15-vjeçare. Ai u vendos në pranga pas denoncimit të bërë nga aba e të miturës. Sipas burimeve ata ishin në një lidhje dhe prej disa ditësh po bashkëjetonin. Për lidhjen ishte në dijeni dhe nëna e vajzës 15-vjeçare, që e kishte lejuar atë të jetonte me adoleshentin. Në deklaratën e dhënë para hetuesve, e mitura fillimisht ka thënë se 16-vjeçari ka ushtruar dhunë fizike, ndërsa më pas ka pretenduar se ka kryer marrëdhënie seksuale me dhunë. Nga ana e grupit hetimor, po bëhen ende hetime për të zbuluar më tej rreth kësaj ngjarje, pasi dyshohet se ka edhe persona të tjerë të përfshirë. Mësohet se 15-vjeçarja ndodhet në gjendje të rënduar psikologjike, ku mbahet nën vëzhgim nga psikologet. Priten detaje të tjera në vijim.