Drejtori i Përgjithshëm i Kadastrës, Artan Lame shpërndau këtë të shtunë 90 vendimet e fundit të legalizimit në zonën e Baldushkut. Lame ka shpjeguar ndërkohë për banorët vijimin e procesit të regjistrimit të tokave bujqësore të përfituara me ligjin 7051. Drejtori i Përgjithshëm i kadastrës tha se të gjithë mbajtësit e Akteve të marrjes së tokës në pronësi duhet të aplikojnë për tu pajisur me certifikatë pronësie. Duke dëgjuar ankesat e banorëve, se për të bërë gen planin duhet të paguanin një topograf privat, Lame sqaroi se me gjithcka do të merret Kadastra dhe e vetmja detyrë për mbajtësin e AMTP-se, është aplikimi tek portal qeveritar e- Albania. Lame tha se të gjitha familjet që e kanë në emër të prindërve të tyre AMTP duhet të nxitojnë për ta përfunduar aplikimin, pasi me vdekjen e personit që ka këtë dokument, procesi vështirësohet.