Krimet Ekonomike dhe Financiare në Tiranë kanë goditur një rast të aktivitetit të paligjshëm të ‘Call centerave’. Operacioni policor i koduar “Last Call” vuri në pranga 2 administratorët e ketij Call Center, të cilët mashtronin shtetas të huaj. Nga veprimet hetimore ka rezultuar se këta shtetas administronin një subjekt të jashtëligjshëm, i cili ushtronte aktivitet të padeklaruar në organet kompetente, në Rrugën e Barrikadave, të cilin e kishin përshtatur si call center. Këta persona në bashkëpunim me njëri-tjetrin, telefononin shtetas të huaj dhe përmes mashtrimit i bindnin ata të investonin në bursa fiktive, për të përfituar shuma monetare të ndryshme. Në total janë sekuestruar 5 laptopë dhe 2 aparate celularë, që përdoreshin për këtë veprimtari kriminale. Materialet i janë referuar prokurorisë së Tiranës për veprime dhe hetime të tjera.