Dy aleatët e partive të reja politike, tashmë janë kthyer në rivalë. Letra e Zeqir Kordhonit ku pranonte ulësen në Kuvend, solli përplasje mes Endri Shabanit dhe Adriatik Lapajt. Ky i fundit paralajmëroi se kryetari i nismës ‘Thurrje’ dhe daja i tij nuk do ta gëzojnë mandatin e deputetit. “Zeqiri (dajo i Endrit) dhe nipi i tij Endri Shabani të cilit i shtriva dorën e bashkimit nuk do marrin asnjë mandat. Qameti do ndalojnë mua të shkoj në Parlament. Është një popull i tërë dëshmitar se Endri Shabani u angazhua për hapjen e listave dhe doli garant për familjarët e vetë. Nëse Endri Shabani do të mbahet mend kështu në jetën publike, mbarë u shkoftë bashkë me dajon! Jam krenar që u luftova nga çdo anë dhe nuk u ndala! U luftova nga Rama, Saliu dhe këta "të rinjtë", deri dhe te ky që e futa në gji...nga të gjithë.” – shkruan Adriatik Lapaj.