Qindra qytetarë, mes tyre edhe politikanë dhe artistë kryen homazhet e fundit në nder të Margarita Xhepës, ikonës së kinematografisë shqiptare që u nda nga jeta të enjten. Margarita Xhepa, e lindur më 2 prill në Lushnjë, nisi karrierën e saj të shquar artistike në qytetin e saj dhe vazhdoi të mbante një vend të veçantë në skenën teatrale dhe kinematografike shqiptare. Gjatë karrierës së saj, ajo interpretoi mbi 150 role teatrale dhe 32 role në filma, duke lënë një ndikim të thellë në dramaturgjinë shqiptare dhe atë botërore.