Papa francesku ka udhëhequr nderimet për paraardhësin e tij, Benedikti i XVI, që u nda nga jeta në moshën 95 vjecare. Benedikti ishte i fisëm dhe i sjellshëm, dhe ishte një dhuratë për kishën katolike romane – tha papa. Presidenti amerikan Joe Biden dhe presidenti brazilian, Lula, ishin mes dhjetëra liderëve botërorë që nderuan ish atin e shenjtë. Benedikti dha dorëheqjen në 2013 për shkak të shëndetit jo të mirë duke u bërë papa i parë që e bënte këtë në 600 vjet. Ceremonia funerale e tij do të mbahet në vatikan më 5 janar. Lideri i 265 i kishës katolike, benedikti ishte një figurë e polemizuar. Ndërsa disa e konsideronin atë mbrojtës të vendosur të fesë, të tjerë e kritikuan kohën e qendrimit të tij në krye të vatikanit duke thënë se ai dështoi të merrte masa për abuzimet seksuale të klerikëve. Sidoqoftë, disa orë pas njoftimit të vdekjes së tij, papa francesku nderoi paraardhësin e tij të dashur duke nënvizuar sakrificat e tij për të mirën e kishës. Në shba, shtëpia e bardhë publikoi një deklaratë të presidentit Joe Biden, që është i dyti katolik pas John F Kennedit që mban zyrën më të lartë të vendit.Duke kujtuar takimin e tij me benediktin në vatikan në 2011, presidenti tha se ai do të kujtohej si një teolog i madh, me një jetë dedikuar ndaj kishës, i udhëhequr nga parimet dhe besimi.