Drejtori i Përgjithshëm i Kadastrës, Artan Lame ka bërë të ditur se ka përfunduar procesi i regjistrimit fillestar në fshatin Blacë, Zona Kadastrale 1208 në Pogradec. Lame tha se në bashkëpunim me Bashkinë e Pogradecit, Kadastra ka bërë të mundur të përfundojë këtë proces për t’i hapur rrugën procesit të legalizimit dhe certifikimit të objekteve para viteve 91, si dhe objektet e reja të ndërtuara në këto 30 vjet. Me përfundimin e kësaj zone kadastrale, Pogradeci përfundon procesin e regjistrimit fillestar të pasurive në të gjitha zonat kadastrale të saj ku përfshihen 73 zona kadastrale dhe 8 Njësinë Administrative. Janë 2919 pasuri në total, toka bujqësore që presin të pajisen me certifikatë pronësie pasi fermerët të kenë aplikuar për t’u pajisur me certifikatën e pronësisë së tokës së përfituar me ligjin 7501. Në këtë kuadër, Drejtori i Përgjithshëm i Kadastrës, Artan Lame ju ka bërë thirrje që nëpërmjet sistemit e-Albania ata të aplikojnë për të marrë në dorë sa më shpejt certifikatën dhe për ti dhënë më shumë vlerë pronës së tyre.