Autoritetet e policisë së Elbasanit kanë sekuestruar pasurinë e dy shtetasve, pasi dyshohet se e kanë burimin tek aktivitetet kriminale. Në zbatim të masave të përcaktuara në planin operacional kombëtar "Sundimi i ligjit", janë sekuestruar pasuri me vlerë rreth 550 000 euro, të 2 shtetasve, të cilët janë dënuar njëri në Itali, tjetri në Belgjikë, për veprën penale "Trafikimi dhe shfrytëzimi për prostitucion". Në zbatim të vendimit të Gjykatës së Shkallës së Parë të Juridiksionit të Përgjithshëm Elbasan, u bë sekuestrimi i 2 pasurive të shtetasit A. K., të regjistruara në emër të tij dhe të të afërmve, konkretisht: 1 objekt 3-katësh me aktivitet bar, restorant dhe hotel, në Cërrik, dhe 1 automjet "Lamborghini". Nga veprimet hetimore dyshohet se pasuritë e sekuestruara e kanë burimin nga veprimtaritë kriminale të kryera nga ky shtetas, i cili është i dënuar në Belgjikë, për veprën penale "Trafikimi dhe shfrytëzimi për prostitucion";