Barcelona merr lajme të tjera të mira nhga infermieria. Pas 11 muajsh, Gavi kthehet në skuadër dhe ai është grumbulluar nga trajneri Hansi Flick për ndeshjen me Sevillan që do të luhet mbrëmjen e së dielës pasi te ketë marrë edhe lejen përfundimtare nga mjekët. ‘Gavi me siguri do te jetë në stol dhe më pëlqen ta shoh në stërvitje-tha trajneri i Barcelonës i cili bëri të sigurt edhe grumbullimin e Fermin Lopez dhe Dani Olmos, por në rastin e këtij të fundit Flick nuk e bëri të qartë nëse do të luajë ndaj Sevillas duke qenë se ka në fokus edhe përballjen me Bayernin në Ligën e Kampioneve. ‘E njëjta gjë edhe me Fermin Lopez që me siguri do të mund të luajë-vijoi Flick-Dani Olmo do të qëndrojë në stol, por me të do të jemi më të fokusuar për të mërkurën’ Në javët e fundit Gavi është stërvitur mirë me pjesën tjetër të skuadrës. Mesfushori nuk luante që nga nëntori i vitit të kaluar kur pësoi një dëmtim të rëndë në gju në ndeshjen mes Spanjës dhe Gjeorgjisë, një dëmtim që duket se e ka lënë pas krahëve dhe tani është gati të kthehet të luajë sërish. Ajo që ka vlerësuar shumë Flick te Gavi është fakti që ai mund të luajë në disa pozicione në fushën e lojës. ‘Në mesfushë kemi shumë lojtarë që mund të luajnë në disa pozicione-tha Flick-është dicka që më mahnit, por Gavi për mentalitetin që ka dhe për mënyrën sesi e kanalizon agresivitetin e tij dhe lojën me topin. Mund të luajë si 6 apo 8, kam folur me të për pozicionin e tij e më konkretisht për këto të dyja’