Zgjedhjet në katër komunat me shumicë serbe në veri të Kosovës, pa pjesëmarrjen e komunitetit serb, shkaktuan tetsion të vazhdueshëm gjatë gjithë vitit 2023. Kulmi arriti pikërisht në 24 shkator, me sulmet paramilitare serbe në Banjskë, që provokuan edhe një reagim të KFOR-it, që tashmë ka katërfishuar praninë e tij në Kosovë. Duke folur për këtë çështje, i dërguari i Bashkimit Europian për negociatat mes Kosovës dhe Serbisë, Miroslav Lajçak deklaroi se mbajtja e zgjedhjeve të reja në veri duhet bërë pa vonesa, në mënyrë që të shmangen tensionet. “Rithemelimi i pushteteve lokale plotësisht përfaqësuese në veri të Kosovës është i nevojshëm për shtensionimin e situatës në terren dhe për procesin më të gjerë të normalizimit, si dhe është i nevojshëm për vazhdimin e krijimit të Asociacionit”, theksoi Lajçak. Iniciativa për mbajtjen e zgedhjeve të reja në katër komunat në veri ka nisur me firmosjen e peticionit nga ana e banorëve serbë, që kërkojnë shkarkimin e kryetarëve aktualë të komunave. Firmat e tyre janë dorëzuar nga KQZ e cila pritet të ndjekë hapat e mëtejshëm ligjorë, për të shkuar te data e zgjedhjeve të reja në katër komunat me shumicë serbe në Kosovë.