Pas mbledhjes së qeverisë këtë të enjte, në një dalje mediatike, ministri I brendshëm Bledi Çuçi ka bërë të ditur planin e veprimit për vitet 2022-2024 që parashikon të parandalojë posedimin e armëve pa leje në duart e civilëve si dhe synon parandalimin dhe kontrollin e trafikut të armëve të lehta dhe të vogla. Gjatë fjalës së tij, ministri u pyet nga gazetarët nëse policia do marrë masa për mbajtjen e dy Kuvendeve të PD, më datë 11 dhe 18 dhejtor nga Berisha dhe Basha, ku pritet të mblidhen me mijëra persona. Kjo pasi sic dihet, në vendin tonë ka ende një akt normativ që nuk lejon grumbullimin e më shumë se 50 personave, edhe pse nuk zbatohet nga askush. Çuci u përgjigj duke thënë se që në 1990 që nuk ndalohen më kuvendet e partive politike. Ndaj për këtë arsyeje, do të lejohen grumbullimet masive.