26 vjecari Eldi Allushi i cili shkaktoi aksidentin mbi digën e liqenit të Tiranës, ka dhënë dëshminë përpara oficerve gjyqsorë. Dëshmia e të riut ka qenë kontradiktore, për shkak se dha tre versione të ngjarjes. Fillimisht Allushi tha se nuk ishte ai drejtues i automjetit BMË X6 por një person tjetër. Më pas ai hodhi poshtë deklartën e tij, duke thënë se në timon ishte ai dhe se shoqërohej nga dy persona. Nga analizat e kryera, 26 vjecari rezultoi se nuk ishte nën efektin e alkolit, ndërkohë që I janë marrë edhe kampione gjaku për të kuptuar nëse ka qenë apo jo nën efektin e lëndëve narkotike. Ndonëse ai tha se nuk frentonte dot për shkak të bllokimit të pedales së gazit, kjo dëshmi nuk justifikon veprimin e të riut, që pas përplasjes, hoqi targat e automjetit dhe u largua me shpejtësi nga vendi i ngjarjes.