Mali i Zi është zhytur në krizën e tij më të madhe politike që nga shpallja e pavarërisë, duke rrezikuar edhe ngrirjen e negociatave me BE. Të mërkurën më 7 dhjetor, shumica e parlamentare në Mal të Zi, ndryshoi Ligjin për Presidentin e Republikës, duke i hequr presidentit pushtetin për t'i dhënë një mandat Kryeministrit. Kjo shkaktoi protesta të mëdha dhe trazira të nisura nga mbështetësit e presidentit Milo Gjukanoviç, të cilat më pas çuan në ndërhyrje masive të policisë. Pas zgjedhjeve të vitit 2020 në Mal të Zi, presidenti Milo Gjukanoviç – i cili ka qenë sundimtar absolut i vendit që nga viti 1990, më jetëgjatë se Aleksandër Lukashenko në Bjellorusi – humbi shumicën e tij parlamentare dhe opozita erdhi në pushtet. Kjo hapi të gjitha problemet dhe çështjet e mundshme brenda shoqërisë dhe politikës malazeze deri në atë masë sa Mali i Zi e gjen veten vërtet në një udhëkryq sot.