Pak ditë pas zgjedhjeve të parakohshme parlamentare të së dielës në Kosovë, po bëhet gjithnjë e më e qartë se kush do të jenë 120 anëtarët e rinj të Kuvendit të Kosovës. Komisioni Qendror i Zgjedhjeve është duke i numëruar votat për kandidatët për deputetë që nga e hëna dhe deri më tani janë numëruar mbi 75 për qind të tyre. Në zgjedhje morën pjesë rreth 45 për qind të gati 2 milionë qytetarëve me të drejtë vote. Zgjedhjet i fitoi bindshëm Lëvizja Vetëvendosje e kryeministrit në detyrë, Albin Kurti. Nga lëvizja vetëvendosje, Kurti është më i votuari me mbi 263 mijë vota, i ndjekur nga Glauk Konjufca me 205 mijë vota dhe albulena haxhiu me 107 mijë vota. Nga partia demokratike e kosovës, bedri hamza është më i votuari me 119 mijë vota i ndjekur nga Arian Tahiri e Përparim Gruda.