Listat e hapura të zgjedhjeve të përgjishme parlamentare sollën konkurrencë jo vetëm midis subjekteve politike në vend, por edhe midis kandidatëve për deputetë. Sipas kodit zgjedhor në listat e kandidatëve për çdo qark, kandidatët të cilët janë renditur larg numrit të mandateve të fituara në qark, por thyejnë herësin e votave do të mund të perfshihen në lista të sigurta. Nga 1 mijë e 841 kandidatë për deputetë në këto zgjedhje parlamentare, nga të gjitha subjektet zgjehdore vetëm 12 kandidatë kanë arritur të kalojnë shifrën pren 10.000 vota. Deri në këto momente lisat kryesohet nga kandidati i Partisë Socialiste në Elbasan me 21 mijë e 604 vota. I dyti në listë është Erion Braçe, me një total prej 14 mijë e 127 vota i renditur i pari në listën e Fierit. Thyerja e herësit ka sjellë ndryshim në listën e socialistëve në qarkun e Tiranës, kjo sepse Fatmir Xhafaj i renditur i 23 në listën fillestare të kandidatëve për deputet ka siguruar 12 mijë e 411 vota duke bërë të mundur të thyejë herësin dhe të përfshihet në listë fituese. Kandidatët e tjerë që kanë thyer herësin janë: Blendi Klosi, Belinda Balluku, Lulzim Basha, Bledar Çuçi, Ornaldo Rakipi,Saimir Hasalla, Niko Peleshi, Edi Rama dhe Luçiano Boçi.