Bazuar në të dhënat e Institutit të njohur të anketimeve, Piepoli, blogu I sondazheve Europe Elects ka dalë me një parashikim mbi rezultatin e zgjedhjeve parlamentare te 25 prillit ne Shqipëri. Sipas tij, pavarësisht dy sfidave të mëdha me të cilat u përball në 2020-tën, tërmetin e fuqishem dhe pandeminë shkatërruese të koronavirusit, partia socialiste do të arrijë të sigurojë një nivel të kënaqshëm votash, më saktë 56%, që do të thotë 8% më shumë sesa zgjedhjet e 2017-tës. Partia Demokratike llogaritet te sigurojë 32% të votave, apo 3% më shumë se katër vjet më parë. Në raport me 2017-tën, parashikohet një rënie prej nga ana tjetër për Lëvizjen Socialiste për Integrim. Të dhënat e Piepolit pretendojnë se LSI-ja do të dalë nga zgjedhjet e prillit me një rezultat zhgënjyes prej 3% të votave. PDIU-ja mendohet se do të sigurojë 2%. Europe Elects u themelua në 2014-tën dhe shpejt mori famë si i pari profil që grumbullon në një vend sondazhe e të dhëna mbi zjgedhjet europiane. Në zgjedhjet e 25 prillit, opozita shqiptare shkon e percare ndersa në skenën politike janë shfaqur edhe disa subjekte të reja politike. Marrëveshja që përfshiu dhe opozitën jashtëparlamentare, por të cilën shumica e coi më tej duke ndryshuar skemën e listës se kandidatëve, I përjashton koalicionet parazgjedhore. 30 vjet përvoje me zgjedhje shumëpartiake ende nuk e kanë fashitur në vendin tonë debatin për integritetin e tyre, e ato të prillit nuk bëjnë përjashtim në raport me kërkesat për votime të lira, të ndershme e në përputhje me standardet ndërkombëtare.