Kryeministri Albin Kurti është takuar me të dërguarin e Bashkimit Evropian, Miroslav Lajçak në Greqi në kuadër të Simpoziumit që po mbahen në Kretë. Kurti shkruan në një postim në Tëitter se bashkë me Lajçakun kanë biseduar për uljen e tensioneve dhe normalizimin e marrëdhënieve me Serbinë. Po ashtu ai shtuar se Kosova mbetet e përkushtuar për dialogun me Serbinë. “Moti ishte shumë më i nxehtë se diskutimi ynë”, ka thënë ai. Po ashtu, Kurti, zhvilloi një bashkëbisedim me ish-kryeministrin grek, George Papandreou. Në pyetjet e ish- kryeministrit grek, ai njoftoi audiencën me punën e institucioneve në Kosovë, me theks për përparimin demokratik, ekonomik, sundimin e ligjit dhe luftën kundër korrupsionit, të drejtat e njeriut dhe të pakicave, politikat sociale dhe pluralizmin politik. Gjatë bashkëbisedimit, po ashtu u diskutua edhe për raportet midis shteteve në Ballkan, integrimin evropian dhe marrëveshjen bazike me Serbinë për normalizim të marrëdhënieve.