Albin Kurti nuk ka më asnjë shpresë se mund të sigurojë shumicën e nevojshme për të qeverisur edhe për një mandat të dytë Kosovën dhe paralajmëroi zgjedhje parlamentare, jo vetëm për të zgjidhur ngërçin aktual në Kuvend, por edhe zgjedhje të tjera të parakohshme edhe në pranverë, kur duhet të zgjidhet pasuesi i Vjosa Osmanit në Presidencë. Sinkron kurti - “Mbase është për të ardhur keq që përveç balotazhit do të duhet të kemi dy herë zgjedhje. Edhe zgjedhje në dimër edhe zgjedhje në pranverë. Sepse kur nuk arritëm t’i bëjmë 61 deputetë për një qeveri të re atëherë është vështirë e imagjinueshme që do t’i bëjmë 81 për presidentin dhe kemi vetëm katër muaj deri të presidenti” Kurti tha se nuk është mirë për Kosovën, por në kushtet aktuale është e pamundur që të arrihet një dakordësi, qoftë me PDK, qoftë me LDK.