Ka dështuar për të njëzetën herë konstituimi I Kuvendit të Kosovës. Tentativa e radhës e Lëvizjes Vetëvendosje për të formuar Komisionin për votimin e fshehtë të kryeparlamentarit nuk mori përsëri mbështetjen e partive të tjera politike. Seanca u ndërpre dhe vazhdimi i saj do të mbahet më 25 maj në orën 11:00. Pro votimit të Komisionit për votim të fshehtë të kryekuvendarit votuan 53 deputetë, dhe një kundër dhe asnjë abstenim, ndërsa në sallë ishin të pranishëm 111 deputetë. Sekretarja e përgjithshme e Partisë Demokraitke të Kosovës, Vlora Çitaku, ka akuzuar liderin e Lëvizjes Vetëvendosje, Albin Kurti se po mban peng Kosovën. Konstituimi i Kuvendit ka ngecur pasi Lëvizja Vetëvendosje nuk po arrin t’i sigurojë 61 votat e nevojshme për të zgjedhur Albulena Haxhiun kryetare të Kuvendit. Sipas partive opozitare Albulena Haxhiu është emër i papranueshëm,