Kreu I vetëvendosjes, Albin Kurti, reagoi pas shpalljes së aktgjykimit të plotë të Gjykatës Kushtetuese lidhur me votën e deputetit Etem Arifi. Kurit shkroi në Facebook se pas shtatë muajsh, u dëshmua ajo që dihej nga fillimi. “Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Ato janë një referendum. Në 14 shkurt politika e keqe do të gjendet përpara gjyqit popullor. Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës”, thuhet ne mesazh. Por aty nuk përmendet nëse vetë Kurti do të garojë apo jo për deputet në këto zgjedhje. Më herët, ish-kryetari i Gjykatës Kushtetuese, Enver Hasani ka thënë se aktgjykimi i Kushtetueses ia ndalon Kurtit që të garojë për deputet, por kjo sipas tij, nuk ia ndalon që ai të nominohet për kryeministër, nëse partia e vet fiton zgjedhjet.