Kuvendi i Kosovës ka dështuar për herë të 23-të radhazi të konstituohet, pasi edhe në këtë tentativë nuk arriti të krijojë Komisionin për votim të fshehtë, i cili është i domosdoshëm për zgjedhjen e kryetarit të Kuvendit. Nga gjithsej 111 deputetë të pranishëm në sallë, vetëm 55 votuan pro formimit të këtij komisioni, një ishte kundër dhe nuk pati asnjë abstenim. Këto vota nuk ishin të mjaftueshme për të përmbushur kuorumin e nevojshëm.