Presidenti i Serbisë, Aleksandar Vuçiç, prezantoi masat e reja në ndihmë të komunitetit serb në Kosovë, që tha se do të financohen nga buxheti serb. Disa stimuj ekonomikë, në vlerë të përgjithshme prej 28 milionë eurosh, u prezantuan gjatë takimit mes Vuçiçit dhe përfaqësuesve politikë të serbëve nga Kosova në Rashkë, në jug të Serbisë. “Në total janë 28 milionë euro, përveç gjithçka tjetër që kemi vendosur deri më tani dhe këto burime financiare janë në dispozicionin e juaj menjëherë. Këto janë gjëra me rëndësi jetike dhe do ta mbrojnë popullin tonë në Kosovë”, tha Vuçiç. Në këtë takim, i hapur për publikun, mori pjesë edhe kryeministrja serbe, Ana Bërnabiç, dhe ministra të tjerë serbë. Më herët, presidenti serb kishte deklaruar se rezultati i takimit do të ishte një “platformë e përbashkët” për zgjedhjeve lokale që do të mbahen më 23 prill në veri të Kosovës, por edhe “ngjarjeve të ardhshme”.