Lëvizja Vetëvendosje pritet të rikonfirmojë Albin Kurtin si kryeministër të Kosovës në fundjavë, pikërisht një javë pasi kryeparlamentari, Dimal Basha, e shpalli të përfunduar konstituimin e Kuvendit. Ka qenw vetw kryeministri nw detyrw Albin Kurti, I cili ka konfirmuar pwr mediat mbledhjen e Këshillit të Përgjithshëm të parties, e cila do tw mbahet mw 7 shtator. Partitë ish-opozitare nuk pajtohen se Kuvendi është konstituuar, pasi ende nuk është zgjedhur nënkryetari i pestë dhe i fundit i Kuvendit nga komuniteti joshumicë serb. Sakaq, LVV ngul këmbë se duhet të ecet përpara me formimin e institucioneve. Kryeministri në detyrë, Albin Kurti, pritet të rikonfirmohet si kryeministër, emrin e të cilit LVV-ja do ta dërgojë më pas te presidentja e vendit, Vjosa Osmani, për të provuar formimin e Qeverisë së re. Megjithatë, situata në Kuvendin e Kosovës mbetet ende e bllokuar dhe nuk është e qartë nëse presidentja e Kosovës, Vjosa Osmani, do ta mandatojë kandidatin e LVV-së për kryeministër në këtë gjendje. Kryesia e re e Kuvendit dështoi ta mbajë mbledhjen e parë, më 1 shtator, në mungesë të kuorumit.