Seanca konstituive për legjislaturën e nëntë të Kuvendit të Kosovës u ndërpre pas afër dy orësh punime. Deputetët s’arritën të kalonin pikën e parë të rendit të ditës, atë të miratimit të raportit të Komisionit të përkohshëm për verifikimin e mandateve dhe kuorumit. 52 deputetë votuan pro komisionit, 46 kundër dhe 11 abstenuan. Partia Demokratike e Kosovës, Lidhja Demokratike e Kosovës dhe Aleanca për Ardhmërinë e Kosovës votuan kundër raportit të komisionit të përkohshëm. Ndërkaq, pro këtij raporti votuan deputetët e Lëvizjes Vetëvendosje dhe te Nismës. Abrashi: Kundër raportit ishin LDK,PDK, AAK “Raport i cili u shqyrtua në këtë komision dhe me shumicë votash kaloi, vlen të theksohet ashtu siç u pajtuam në Komision që për këtë raport kundër ishin PDK, Aleanca për Ardhmërinë e Kosovës dhe Lidhja Demokratike e Kosovës”