Shqipëria ishte vendi i parë europian që vizitoi Papa Françesku dhe jo rastësisht. Ati i Shenjtë zgjodhi të vizitojë vendin tonë më 21 shtator të vitit 2014 në kulm të ekstremizmit fetar. Ai mbajti edhe një meshë në sheshin Nënë Tereza, ku vlerësoi harmoninë ndërfetare dhe përcolli mesazhe paqeje. Papa - ”Paqe në këtë shtëpi”. Nuk është thjesht përshëndetje, është edhe dhuratë, paqja. Duke ardhur sot mes jush të dashur motra e vëllezët të Shqipërisë, në këtë shesh kushtuar bijës së madhe e të përvuajtur të këtyre trojeve, Nënë Terezës së Kalkutës, Dëshiroj ta përsëris këtë përshëndetje, Paqe në shtëpitë tuaja, paqe në zemrat tuaja, paqe në Kombin tuaj. Pasi bekoi popullin shqiptar të cilin e ka cilësuar si ndër popujt me të vjetër në dritën e ungjillit, ka kujtuar 40 martirët e kishes katolike shqiptare, portretet e të cilëve ishin varuar përgjatë gjithë bulevardit Dëshmorët e Kombit