Shqipëria që prej vitit 2014 ka miratuar një ligj për dedektivët privatë, që ndonëse nuk është një profesion i rregulluar deri tani ka funksionuar. Por, zhvillimet e ndryshme kanë bërë të domosdoshme një tjetër strukturë, që do rivalizojë Byronë Kombëtare të Hetimit. Bëhet fjalë për një draft që ka mbërritur në Parlament nga një grup deputetësh dhe është në fazën e diskutimit paraprak. Drafti parashikon ngritjen e Byrosë Private të Hetimit, duke e shoqëruar ligjin për dedektivët privatë me disa ndryshime. Por çfarë parashikon ky propozim dhe hetimet që do të kryejnë dedektivët private?! Në draft thuhet se "Shërbim i "Detektivit Privat" ofrohet nga subjekti privat i licensuar i cili heton dhe jep informacion në lidhje me karakterin ose veprimet e një personi, ose natyrën e biznesit ose profesionit të një personi etj. Kontrollon shkelësit kundër ligjit ose personat e humbur ose pronën. Kryen blerje ose shërbime të tjera në rroba civile ose të thjeshta për një klient, me qëllimin e raportimit ndaj klientit për sjelljen, integritetin ose besueshmërinë e punonjësve të klientit ose personave të tjerë. Kryen shërbime në rroba civile ose të thjeshta për parandalimin ose zbulimin e vjedhjeve. Sipas argumentimit të deputetit iniciues Selami Jenisheri se përse nevojitet dedektivi privat ai e gjen problemin tek strukturat shtetërore aktuale të hetimit.