Presidenti ukrainas Volodymyr Zelensky konfirmon është gati të flasë me presidentin Vladimir Putinin, pavarësisht masakrave use në Bucha, Mariupol dhe qytete të tjera. Nga ana tjetër, Presidenti Putin nuk e ka hedhur poshtë mundësinë e takimit me Zelenskyt, por ka vënë si kusht arritjen e disa kompromiseve. Kushti për një takim të mundshëm midis presidentit rus Vladimir Putin dhe presidentit ukrainas Volodymyr Zelensky është një dokument marrëveshjeje gati që të dy liderët të nënshkruajnë, tha Kremlini të shtunën. Në parim, presidenti Putin nuk e refuzoi kurrë një takim me Presidentin Zelenski por thotë se duhet të përgatiten disa kushte që do të coni në fundin e luftës. Por kur mund të takohen dy presidentët? Ai që mund të ketë organizuar një takim mes dy palëve ëshye Presidenti i Indonezisë. Indonezia aktualisht kryeson grupin e G20 dhe presidenti i saj Joko Ëidodo ka ftuar Zelenskyn dhe Putinin në samitin e liderëve që do të mbahet në nëntor. Ai ishte përballur me presionin nga vendet perëndimore - përfshirë Britaninë e Madhe, për të përjashtuar liderin rus, por tha se donte të "bashkonte" G20-tën. Zelensky thotë se është i gatshëm takojë Putinin në këtë samit sepse në Rusi "një njeri i vetëm vendos për gjithçka”.