Strukturat policore te antidroges kane goditur dy raste të kultivimit te kanabisit në zona tëndryshme të vendit. Zbulimi i sipërfaqeve të mbjella me kanabis është bërë gjatë kontrollit të policisë në territor dhe zona të caktuara ku dyshohet se mund të ishin kultivuar bimë narkotike. Dy rastet e konstatura janë në fshatin Rromës, Mallakastër dhe në fshatin Vlosh, Roskovec. Në Mallakastër, në një zonë të pyllëzuar të fshatit Rromës, u gjetën të kultivuara disa bimë narkotike. Si rezultat i veprimeve operacionale dhe hetimore, nga specialistët për Hetimin e Krimeve në Komisariatin e Policisë Mallakastër u bë ndalimi i tre autorëve të dyshuar të kësaj veprimtarie kriminaleqe jane të tre banues në fshatin Rromës. Po ashtu gjatë kontrollit të territorit, në fshatin Vlosh ne Roskovec, u gjetën të kultivuara disa bimë narkotike canabis sativa në tokën e nje 60 vjeçari. Në përfundim të veprimeve hetimore u bë arrestimi në flagrancë i shtetasit për veprën penale "Kultivimi i bimëve narkotike". Materialet i kaluan Prokurorisë pranë Gjykatës së Shkallës së Parë Fier për veprime të mëtejshme procedurale.