Kryeministri i Kosovës Albin Kurti tha se e kupton frustrimin e qytetarëve për mungesën e energjisë elektrike, pasi edhe vetë ai është i frustruar por ka shtuar se ky është një kujtim për gjendjen në të cilën e lanë vendin, njerëzit e territ që qeverisën për dy dekada. “Derisa kërkesa për energjinë nga qytetarët dhe ekonomia jonë është rritur çdo vit, prodhimi nga KEK-u ka mbetur i njëjtë e ndërkohë ka pasur edhe vjedhje edhe vendime të gabuara që e kanë sjellë sektorin energjetik buzë kolapsit. Unë e kuptoj sot frustrimin e secilit qytetarë me mungesë të energjisë elektrike, besoni që edhe unë jam i frustruar por le të jetë ky një kujtim për gjendjen në të cilën, ata që qeverisën për dy dekada na e lanë shtetin, sepse si njerëz të territ që ishin, që punën i bënin natën e larg syrit të qytetarëve...