Organizata e Kombeve të Bashkuara ka thënë se kufiri mes Shteteve të Bashkuara dhe Meksikës përbën rrugën tokësore më vdekjeprurëse në botë për emigrantë. Konstatimi është bërë nga Organizata Ndërkombëtare për Emigrantët, një agjenci me bazë në Gjenevë që vepron nën umbrellën e OKB. Sipas saj, 686 emigrantë kanë vdekur, ose janë zhdukur në kufirin mes SHBA dhe Meksikës vetëm brenda këtij viti. Kjo shifër është rreth 8 për qind më e vogël sesa ajo e vitit të kaluar, ndonëse mund të ketë pasur edhe shumë vdekje të paregjistruara. Agjencia është duke i mbledhur të dhënat për emigrantë të vdekur apo të zhdukur prej vitit 2014. Në total, të paktën 1.457 migrantë kanë vdekur në Amerikën Veriore vitin e kaluar. Prej vitit 2014, agjencia i ka regjistruar 58 mijë e 500 persona të vdekur dhe të zhdukur. Shifra më e lartë e viktimave është regjistruar në Detin Mesdhe me 28 mijë të vdekur që prej mbledhjes së të dhënave.