Kryetari Leposaviçit, Lulzim Hetemi, dhe ai i Mitrovicës së Veriut, Erden Atiq, gjenden në objektet e komunave përkatëse. Ndërkohë, sic raporton radio Evropa e Lirë, kryetari i Leposaviçit ka mbetur i mbyllur brenda objektit të komunës që nga dita e djeshme, për "arsye sigurie". Me gjithë përpjekjet, gazetarët e Evropës së lirë nuk kanë arritur të bien në në kontakt me të. Ndërkaq, kryetari i Zveçanit, Ilir Peci, konfirmoi në anën tjetër se është duke punuar nga Zyra për Komunitete në fshatin Lipë të kësaj komune, e jo nga objekti komunal. “Këtu sot e kemi filluar punën... Do të shohim se si do të veprojmë në vijim”, tha shkurtimisht ai. Për të dytën ditë me radhë, serbët në Zveçan, Leposaviq dhe Zubin Potok po protestojnë, duke kundërshtuar kryetarët e rinj shqiptarë. Ata kërkojnë po ashtu tërheqjen e njësive speciale të Policisë së Kosovës nga veriu i vendit.