Pasi thirri dy herë në ambientet e tij kryetarin e Bashkisë Devoll për ta marrë në pyetje, SPAK mbylli hetimet për Eduart Duron dhe 4 persona të tjerë, teksa bëri kërkesë në Gjykatën e Posaccme për kalimin e dosjes për gjykim. Nga veprimet hetimore u konstatuan shkelje ligjore nga njësia administrative Qendër Blisht, në dhëniën e lejes për një pikë karburanti në vitin 2015 në Devoll, Kapshticë dhe për autorizimin e saj 5 vite më vonë. SPAK thotë se prej vitit 2015 dhe në vijim, nga dhënia e lejes dhe autorizimit në kundërshtim me ligjin janë realizuar përfitime të padrejta nga kjo shoqëri. Eduart Duro në cilësinë e kryetarit të bashkisë, në bashkëpunim me zyrtarët e Sektorit të të Ardhurave dhe Liçencimit në Bashkinë Devoll, Gazmend Haxhija dhe Gazmend Malo dhe Sekretarin e Përgjithshëm të Bashkisë Devoll, Astrit Seferkolli pajisën një pikë karburanti, me autorizim “Për tregtimin me pakicë të karburanteve, gazit të lëngshëm të naftës dhe vajrave lubrifikante, në stacionin rruga nacionale Bilisht-Kapshticë, kilometri 10, në afërsi të Doganës, Kapshticë”. Ky autorizim, sipas veprimeve hetimore është dhënë në kundërshtim me ligjin dhe VKM në 970 dt. 2.12.2015 dhe në atë kohë sipas organit të akuzës, pika e karburantit nuk ka qenë e pajisur me dokumentacionin ligjor të kërkuar. Ndërsa Vojsava Bregu Administratore e komanduar në Njësinë Qendër Bilisht i mundësoi pikës së karburatit leje për tregtimin me pakicë të karburanteve. Përevec kësaj, me vendim të Inspektoratit Kombëtar të Mbrojtjes së Territorit në datë 4 tetor të vitit 2019 ishte vendosur edhe prishja e tij. Ndaj Eduart Duros, Astrit Seferkolli, Gazmend Haxhija dhe Gazmend Mali SPAK ka ngritur akuzën “Shpërdorim detyre”, në bashkëpunim ndërsa për Vojsava Bregu akuzën “Shpërdorim detyre” dhe Shkelje në dhënien e lejes dhe autorizimit për pikën e karburantit.