Kryeministri Edi Rama paralajmëroi këtë të mërkurë të gjitha bizneset se në rast se nuk deklarojnë pagat do të përfundojnë në prokurori. Gjatë takimit me eksportues dhe importues, Rama tha se do të goditen të gjitha bizneset nëse dalin keq me pagat nga hetimi tatimor. “I bëj thirrje të gjithëve që në deklarimin e pagave të vënë pagën sepse do të godasim pa asnjë tolerancë aty ku do kapim. Nëse del keq me pagat nga hetimi tatimor pastaj do të shkojnë te me prokurorinë. Nuk mundet dot që ne të flasim për pensione të ulëta dhe ndërkohë të tolerohet që pensionet të goditen nga mospagimi i sigurimeve për pagën përkatëse” Duke u ndalur tek kriza energjitike, Rama tha se nuk do të ketë rritje çmimi, por paralajmëroi se gjërat po shkojnë gjithnjë e më keq, teksa si zgjidhje sheh edhe që bizneset e mëdha të prodhojnë vetë energji.