Raportuesja për Kosovën në Parlamentin Europian, Viola von Cramon kritikoi qeverinë e Albin Kurtit për mungesë vullneti në procesin e integrimit të vendit në Bashkimin Europian. Von Cramon nuk e përmend ngërçin në dialogun me Serbinë, por e nënkupton se mosgatishmëria për të zbatuar marrëveshjet e arritur me Beogradin po penalizojnë Kosovën. “Partnerët ndërkombëtarë janë të lodhur nga mosveprimi i Prishtinës. Kjo çoi edhe në futjen e masave ndëshkuese nga BE-ja vitin e kaluar”, deklaroi ajo në një intervistë për mediat bullgarve. Bashkimi Europian ndërmori vitin e kaluar disa masa ndëshkimore ndaj Kosovës pas dështimit të bisedimeve me Serbinë në Bruksel. Masat përfshijnë pezullim të takimeve dhe ftesave të nivelit të lartë për Prishtinën dhe ato janë ende në fuqi. Sipas Von Cramon Qeveria e Kosovës po dërgon mesazhe të mikluara te partnerët e saj ndërkombëtarë. Ajo kërkoi që të ndryshohet qasje në mënyrë që procesi i integrimit të avancojë më shpejt.