Fjalimet e të rinjve dhe kryetarit të Partisë Socialiste në Kuvendin Rinor janë pritur me kritika. Kryeministri Edi Rama në rubrikën ‘Sy më sy’ ju është përgjigjur komentuesve, të cilët duke ndjekur këtë aktivitet të të majtëve sjellin në kujdesë diktatorin Enver Hoxha. Rama: “Natyrisht po ta shohësh Shqipërinë nga pasqyrat e kanaleve dhe portaleve ashtu është, këtu vdesin për bukë dhe vriten në rrugë dhe çdo vit vijnë me miliona budallenj nga jashtë që thonë se Shqipëria ka mikpritje dhe ushqim të jashtëzakonshëm kudo. Është më e lirë se nga ata vijnë, ka bukuri përrallore dhe siguri shembullore. Mirë këta që vijnë, por janë dhe ata që ulen me ne për të negociuar anëtarësimin e Shqipërisë në BE, brenda 2030. Që janë çmendur fare ata, kanë rrjedhur krejt, duan të fusin në BE një narko regjim ku është ngjallur Enveri dhe ku qeveria vetëm vjedh popullin, kurse populli vetëm ikën nga sytë këmbët ose vritet e vdes rrugëve për bujë. Shqipëri apo bëhet, të gjitha ndryshimet janë reale, faktet janë atje ku janë një e punës, ku janë sipërmarrjet ku është jeta e përditshme që nuk duhet nga kanalet dhe portalet e llumit, se ka edhe llum.” Rama e mbylli reagimin e tij, duke u shfaqur besimplotë për një rezultat edhe më të lartë elektoral. Kryeministri deklaroi se sipas tij llumi do të pastrohet në zgjedhjet parlamentare të 11 majit.