Partia Demokratike e Sali Berishës ka reaguar pas lajmit se familjarët e kandidatit për Bashkinë e Hasit, Halit Muja, kapen me një furgon me pako ushqimore dhe detergjentë, që dyshohet se do u shpërndaheshin banorëve të Hasit. Sipas Akil Krajës, kjo përbën një krim zgjedhor. Kraja më tej thekson se e gjithë kjo flet për një strukturë që po tenton devijimin e vullnetit të votës. SINK Qartësisht kemi të bëjmë me një strukturë të organizuar shtetërore në devijimin e votës së 14-Majit? Kandidati i Partisë Socialiste Has paska deklaruar se pakot me stemën e “Republikës së Shqipërisë” janë pako personale të tij për t’u shpërndarë për Natën e Kadrit te banorët e Hasit. Kjo është haptazi një shkelje e kodit zgjedhor dhe një tentativë banale abuzimi me burimet dhe rezervat shtetërore me qëllim tjetërsimin e votës. Sipas Krajës, në këtë ngjarje është e përfshirë edhe e bija e kandidatit Mulaj, e cila është përgjegjese e Osshee per Hasin. Nisur nga këto, koalicioni Bashkë Fitojmë, kërkojnë dorëheqjen e kandidatit nga gara dhe të distancohet nga këto veprime.