Një ngjarje e rëndë ka tronditur këtë të shtunë opinion publik kryeqytetas, 2 persona kanë humbur jetën si pasojë e një konflikti të çastit në bulevardin Gjergj Fishta. Sipas informacioneve zyrtare, Kliton Pira 26 vjeç, është konfliktuar me një shtetase të huaj 31-vjeçare të quajtur Jawsackie Jaboah në një banesë me qira ditore, teksa e ka goditur këtë të fundit me thikë. Menjëherë pasi ka parë 31-vjeçaren të mbuluar nga gjaku, 26-vjeçari ka kryer vetëvrasje duke u hedhur nga kati i 8-të i pallatit e për pasojë ka ndërruar jetë në vend. Sipas të njëjtave burime bëhet e ditur se 31-vjeçarja ishte me origjinë nga Gana, por mbante pasaportë franceze, ndërsa 26-vjeçari ishte me origjinë nga Dibra. 31-vjeçarja mësohet se është dërguar me urgjencë drejt spitalit, por nuk ka mundur tu mbijetojë plagëve të marra dhe ka ndërruar jetë. Ndërkohë nga një vëzhgim në rrjetet sociale, rezulton se Pira dhe 31 vjeçarja ishin në një lidhje prej disa kohësh. Ndërkohë policia po punon për zbardhjen e plotë të dinamikës dhe shkaqeve që kanë çuar në këtë ngjarje të rëndë.