Gjykata Themelore në Prishtinë ka dënuar me 10 vite burg shtetasin serb Sladan Trajkoviç për krime lufte në Kosovë. Prokuroria Speciale e Kosovës më 12 korrik 2023 ka ngritur aktakuzë kundër Sladan Trajkoviq, të cilin e akuzonte për krime lufte kundër popullatës civile. Sipas aktakuzës, Trajkoviç akuzohej se gjatë kohës së luftës në Kosovë, në periudhën kohore 1998-1999 në fshatin Reznik, Komuna e Vushtrrisë dhe në fshatrat përreth kësaj komune, individualisht dhe në bashkëpunim me persona të tjerë, ka marrë pjesë në vrasje, bastisje, keqtrajtime, arrestime, tortura, trajtim në mënyrë ç‘njerëzore, mbajtje në kushte skllavërie, dëbim dhe depërtim të mijërave civilëve shqiptarë si dhe masat e plaçkitjes, djegies dhe shkatërrimit të shtëpive të popullsisë civile shqiptare që nuk kanë marrë pjesë drejtpërdrejt në konflikt.