Një 35-vjeçar shqiptar, shtetas I Kosovës, i shpallur në kërkim nga Norvegjia, është identifikuar dhe prangosur këtë të hënë në Pikën Kufitare të Morinës, teksa po tentonte të hynte në territorin shqiptar. Në kuadër të kontrolleve të imtësishme, shërbimet e Policisë Kufitare të Morinës, në bashkëpunim me ato të DVP Kukës arrestuan me qëllim ekstradimin 35-vjeçarin me vendbanim në Kosovë. Sipas verifikimeve, rezultoi se ky shtetas ishte shpallur në kërkim ndërkombëtar nga Interpol Oslo, pasi akuzohet nga Gjykata Lokale Sor Rogaland, për veprat penale “Vjedhje me dhunë” dhe “Plagosje”. Interpol Tirana dhe Interpol Oslo do të kryejnë procedurat për ekstradimin e 35-vjeçarit, në Norvegji.