Mijëra besimtarë myslimanë u bënë bashkë mëngjesin e kësaj të premtje, në ditën më të shenjtë të javë, për të kremtuar një prej dy ditëve më të shenjta për besimtarët, festën e Kurban Bajramit. Kjo festë, e cila nisi me faljen në bulevardin Dëshmorët e Kombit, simbolizon sakrificën që Profeti Ibrahim, që njëhet edhe si babai i profetëve, bëri me të birin Ismailin, i cili poashtu më pas do të bëhej profet. Eventi nisi që në mëngjes herët me fjalime të ndryshme, këndim të Kuranit dhe ilahive, për të kulmuar me faljen e namazit të Kurban Barjamit e drejtuar nga kreu i Komunitetit Mysliman të Shqipërisë Bujar Spahiu. Pas kryerjes së faljes, Spahiu zgjodhi të ndajë mesazhet e tij për besimtarët në një prononcim për mediet.