Moscertifkimi i Listës Serbe nga KQZ për zgjedhjet e parakohshme parlamentare të 28 dhjetorit, ka marrë reagime të forta nga ndërkombëtarët. Përmes një postimi në Facebook, Ambasada e SHBA thotë se përpjekjet e VV-së për ta bllokuar certifikimin e Listës Srpska për të marrë pjesë në zgjedhjet e Kosovës janë shkurtpamëse dhe përçarëse. Në reagim thuhet se veprimet e tilla minojnë stabilitetin e Kosovës dhe interesat e SHBA-së përfshirë rinisjen e dialogut strategjik për avancimin e mundësive për bizneset amerikane dhe të Kosovës. Për vendimin ka reaguar edhe ambasadori gjerman Rainer Rudolph, I cili thotë se procesi zgjedhor dhe përgatitjet teknike për zgjedhjet duhet të jenë të lira nga manovrimet politike nga aktorët politikë. Në lidhje me vendimin e KQZ, zyra e BE në Prishtinë shprehet se ‘politizimi I KQZ-së nga Lëvizja Vetëvendosje dhe partitë e tjera politike është i dëmshëm për procesin zgjedhor.