Serbia ka dënuar vendimin e Komisionit Qëndror Zgjedhor të Kosovës për moscertifikimin e partisë më të madhe të serbëve në Kosovë, Lista Serbe, për zgjedhjet lokale që do të mbahen më 12 tetor. Ministri i Jashtëm serb, Marko Gjuriç, përmes një postimi në FaceBook, është shprehur se Serbia i bën thirrje bashkësisë ndërkombëtare të reagojë në “mënyrë vendimtare” ndaj vendimit të KQZ-së. “Heshtja përballë një shtypjeje të tillë do të barazohej me bashkëfajësi”, shkruan ministri serb. Gjuriç e cilësoi vendimin e KQZ-së si “shembull flagrant I politikës që synon përjashtimin e popullit serb nga jeta demokratike”. Ai tha se kandidaturat e dorëzuara plotësojnë të gjitha kërkesat ligjore, ndërsa ka akuzuar autoritetet të Prishtinë se kanë shkelur ligjin dhe se po synojnë të heshtin zërin e serbëve.