Kosova ka shënuar sërish një numër të lartë viktimash nga koronavirusi. Autoritetet shëndetesore kanë raportuar për 13 viktima gjatë 24 orëve të fundit, ndërsa numri i jetëve të humbura që nga fillimi i pandemisë ka shkuar në 438. Drejtori i Institutit Kombëtar të Shëndetit Publik në Kosovë, Naser Ramadani, në një konferencë për media nga Komuna e Prizrenit bëri të ditur se gjatë 24 orëve janë kryer 471 teste, pret te cileve janë konfirmuar pozitiv 158 raste të reja me covid 19. Numri total i rasteve pozitive me Koronavirus në kosovë ka shkuar 12.006 raste nga 45.868 testime te kryera gjithsej qe nga fillimi i pandemise .Gjatë 24 orëve të fundit, janë shëruar 245 pacientë derisa numri i përgjithshëm i të shëruarve deri më sot është gjithsej 7.929 raste, kurse numri i rasteve aktive është 3.639. Ndërkaq ministri i Shëndetësisë, Armend Zemaj në një vizitë në Komunën e Prizrenit ka thënë se po ndajnë të gjitha resurset e përbashkëta me spitalet rajonale, Ai u ka bërë serish thirrje qytetareve t’i respektojnë masat për parandalimin e shpërndarjes së COVID-19. Nga të dhenat e ditës së enjte, më shumë raste pozitve janë shënuar në Prishtinë 38 dhe në Gjilan 29 raste, ndërsa komunat e tjera kanë më pak të prekur me covid 19.