Në Kosovë është rënduar më tej bilanci i viktimave që kanë humbur jetën si pasojë e covid 19. Dhjetë viktima e 162 raste pozitive me COVID-19 janë regjistruar në 24 orët e fundit në Kosovë, njoftoi Instituti Kombëtar i Shendetit Publik. Numri i viktimave qe nga fillimi i pandemise ka shkuar në 448.Gjithsej gjatë hetimit të rasteve të dyshuara në 24 orët e fundit janë testuar 584 persona. Numri total i rasteve pozitive në Kosovë ka shkuar në 12.168, nga 46.452 persona të testuar që kur filluan dyshimet e para për praninë e virusit në vend, gati 6 muaj më parë. Krahas numrit të lartë të infektimeve e viktimave në Kosovë, pozitive është fakti se edhe numri i të shuaruarve vijon të jetë i lartë. “Gjatë 24 orëve të fundit, janë shëruar 220 pacientë, ndërsa numri i përgjithshëm i të shëruarve është 8.149 raste, kurse numri i rasteve aktive është 3.571”, thotë IKSHPK. Edhe në raportimet e së premtes Prishtina vazhdon të jetë vatra kryesore e pandemisë, me 47 raste të reja me covid 19.