Pesë efektivë të policisë së Kosovës janë ndaluar nën dyshimet se kanë ushtruar forcë të tepruar gjatë arrestimit të shtetasit Agon Zejnullahu në Lipjan. Ky ui fundit ndërroi jetë më vonë, ndërsa dyshohet se efektivët kanë shkaktuar veprën penale vrasje nga pakujdesia. Ngjarja ndodhi në orët e para të së dielës në rrugën “Haradin Bajrami” në Lipjan. Sipas Policisë, i ndjeri ishte në gjendje të dehur dhe po sulmonte kalimtarë e automjete. Në vendin e ngjarjes ndërhynë njësitë policore dhe ekipi emergjent mjekësor, por pavarësisht përpjekjeve, 27-vjeçari u konstatua i vdekur.