I dërguari i Posaçëm i BE-së për dialogun Kosovë-Serbi, Miroslav Lajçak, ka postuar disa fotografi të takimit me përfaqësuesit e dy shteteve në nivelin e ekspertëve, Skender Hyseni dhe Marko Gjuric. Diplomati sllovak shkruan se ishte takuar paraprakisht me koordinatorët e Kosovës dhe Serbisë për të përfunduar çështjet që janë diskutuar në takimet e fundit. “Para takimit të nivelit të lartë mes Beogradit dhe Prishtinës që do të mbahet në fillim të shtatorit, u takova sërish me negociatorët/koordinatorët në Bruksel për të pwrmbyllur cwshtjet e diskutuara gjatë takimeve të fundit”, ka shkruar Lajçak. Sot në Bruksel u takuan sërish Kosova dhe Serbia në nivelin e ekspertëve të përfaqësuar nga Skender Hyseni dhe Marko Gjuric.Në kryeqytetin europian do të takohen në fillim të shtatorit Avdullah Hoti dhe Aleksander Vuçic për të vazhduar dialogun e niveli të lartë. Sakaq nw 4 shtator, kryeministri kosovar dhe presidenti serb do të jenw nw Washington me ftesë të Këshilltarit për Siguri Kombwtare tw SHBA-sw, Robert O’Brien.