Situata nga pandemia në Kosovë mbetet në të njëjtat nivele, por ende shqetësuese. Shifrat zyrtare të rasteve të reja dhe viktimave nga covid 19 janë pak a shumë njësoj me një ditë më parë, por mbeten ende të larta. Instituti Kombëtar i Shëndetit Publik ka njoftuar këtë të martë se brenda 24 orëve janë regjistruar 13 viktima nga covid 19. Rastet e vdekjeve janë shumivca të moshave jo shumë të mëdha. Kështu, veçse 4 prej të vdekurve janë mbi moshën 70 vjeç, ndërsa të tjerët janë midis moshave 50 dhe 60 vjeçare. Ndërsa pas 1590 testimeve kanë rezultuar 609 raste të reja me koronavirus. Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 35, 549 të prekur nga sëmundja Covid-19. Sipas të dhënave të Instituti Kombëtar i Shëndetit Publik janë regjistruar edhe 350 raste që kanë mposhtur virusin. Deri tani në Kosovë raste aktive me covid 19 aktualisht janë 12,864.