Teksa po afron fillimi i vitit të ri shkollor, ministria e arsimit në Kosovë ka vendosur të shtrijë edhe në shtatë shkolla të tjera në Prishtinë programin që ofron ushqimin falas dhe qëndrimin e fëmijëve në ambjentet e shkollës deri pasdite. Sipas drejtuesit të arsimit në Prishtinë, Samir Shahini, ky program ka përmirësuar ekonomitë familjare. “Ka prekur ekonomitë familjare duke kursyer miliona euro të ekonomive familjare nga qëndrimi ditor deri në ora 15:30, nga shujtat të cilat ne i ofrojmë falas në shkollat tona përmes kuzhinës së kryeqytetit, duke qenë edhe më të shëndetshme edhe falas për të gjithë nxënësit pa dallim. Për më tepër, në fshatrat që i përmenda, pesë shkolla, për shkak të numrit më të vogël të nxënësve, ushqimi do të ofrohet për të gjithë, edhe për klasat 6-9 që nuk janë në mësim tërëditor këtë vit, por sigurisht i paraprinë kalimit në mësim tërëditor vitin tjetër,”